قصائد أعجبتني

هذه قصيدة أرسلت إلى جوالي مساء الجمعة الماضي من الزميل والشاعر عبد العزيز فهد الحقباني الطالب بكلية الملك فهد الأمنية، الزميل أبو فهد معروف عنه شاعريته وأعتقد أن هذه القصيدة تخصة لكني لست متأكد، لكني أعرض لكم هذه التحفة الشعرية:

أمانه لا توادعني حبيبي لا نويت تروح***دخيلك خلني وأرحل كذا من دون ما أدري
دخيلك لا تعلمني كفى صدر الغرام جروح***وأنا اللي من عرفتك وأنت متربع على صدري
بنيتك بالحشا قصر رفيع وشامخ بصروح***وقلت أسكن هنا ياللي عيونك سودها قصري
رخصت أغلى القصيد وكل ما ينزف صدوق البوح***وجيتك والغلا طفل ربى بالجوف من صغري
تحملت العذاب وصرت أنا من سبتك مذبوح***صبرت وطال صبري لين مل الصبر من صبري
أبي بس أظفر بقلبك مدام الشوق لك مفضوح***ومدامك بالعروق اللي تحبك دايم تجري
أبي عطر الهوى منك حبيبي كل يوم يفوح***وبعلنها على الدنيا أحبك يا بعد عمري
حبيبي أنت ماغيرك حبيب قد سكن بالروح***ومن فكر يجي بعدك ترى بقول له بدري
تخيل كل ما تسأل بنبرة صوتك المبحوح***حبيبي لو بسألك إش رايك بعطري
أذوب ويعترف قلبي ياعم العطر يالمملوح***بأنك تغري وعطرك مثل سحرك بعد يغري
كفايه باب خفاقي عشقك وصار لك مفتوح***وكفايه لو تغيب شوي أضيق و ينشغل فكري